Uss din kuch ajeeb sa lag raha tha.
Raat hote hote thak gayi thi main.
Kuch pal ke liye laga ki ab mere dil ki dhadkan ruk si jaa rahi hai.
Khayalo mein khoyi, laga ki meelo dur se ek awaz aayi.
“Beta bohot der se chup hai, chai piyogi? ”
Thake haare maine kaha,”nahi maa”
Ghar ki balcony mein khade roh padi.
Bas chup-chap aakhon se aansu gir rahe the.
Soonsaan aur sannaata, laga dono ne hi gale lagaliya ho.
Peeche se ek awaz aayi,”Arey kya hua tujhe aaj? kuch zyada soch rahi hai.”
Garam chai ko apne hothon se laga kar, sard bhari raat mein mere kaandhe par apna haath rakha.
Yeh who pal tha jab mujhe laga meri sakhi, meri sarathi milgayi mujhe.
Mera saara abhimaan aasuon mein behgaya.
Maa ki awaaz se mere dil ki sillan jharne lage the.
Kehte hai, jo lamhe beet jaate hai, woh kaha phir aate hai?
Par maa thi mere saath hamesha, woh angaan mein padte pehli baarish ki boond hai. Chahe tho laakh baar usmein bheeglo.
Maa ke peehar jaane par, more bhi nahi aate angan ki baarish mein.
Maa ke bina tulsi ke pass diya kaun rakhega?
Maa se sansaar chalta hai, hum sab yeh kehte hai – meri maa ghar ki raunak hai.
Maa uss Gulmohar ke phool jaisi hai.
Maa kabhi-kabhi raat mein jhoomti shiuli ki khusboo jaisi hoti hai.
Unki maujudgi se pura maahol pariwartit hota hai.
Maa mere ghar ka pura aangan hai.
Par yeh kab socha humne ki maa par kya beet ti hai?
Kisi aur ke bacho ko apna maan kar prem dena bohot mushkil kaam hota hai.
Par sach kahe toh – woh shamta thi unmein woh qala thi.
Ek aisi qala jo bohot kum logo mein hoti hai.
Meri apni maa toh khogayi thi, jaanti hoon ki waha toh chitthiyan bhi nahi jaati, na koi phone number hai.
Meri woh bhi thi – Maa.
Mujhe saree pehnana. Mere bhuke peth ko samajna.
Mere liye choti-choti tareeko se kehna – “Beta main hoon.”
Mera saath hamesha diya tumne maa.
Bas ek baar aur gaale lagalo, ro lene do.
Ki yeh waqt iss pal rukh jayega, humara ho jayega.