Wahi chhup ke hasna.
Waise hi gaalo pe unglio ko tikana…❤
Bilkul waise hi saree pe silvate padna. Kuch aise sochna ki woh puche,
“Kaha khoyi hui ho?”
Pucho unse…
kis baat pe sab se zyada haasti thi woh mere jaise?
Zindagi se khafa hoke bhi subha chai pe hoth jaala leti thi..
Kabhi-kabhi haste huye royen hai hum.
Kitni tez chal rahi thi tab waqt ki raftar.
Hum shayad sab peeche chod aaye.
Tumhari hasi,
tumhari zulfo ke nami.
Tumhare haatho ki kheer.
Saath mein kheli Holi.
Durga Puja ki Aarti.
Diwali ki Rangoli.
Kabhi milogi,
toh bolungi… ki maa,
main bilkul tumhare jaisi hoon,
phir bhi bohot alag.
Kabhi. Kahi. Milogi?