Kabhi idhar ka, kabhi udhar ka.
Kabhi un pahado pe milunga aur kabhi kahi uss jheel ke pass miljaunga
Jab iss zamaane se mann bharjaye, jab apne aap se dur hojata hoon, kahi chala jata hoon
But if you ask me? Apne angan ki mitti kahi nahi mili..
Kahi nahi hai woh purani teheliya jinpar jhula karte the ..
woh khaali dopahri. lambi chhutiya aur unse bhi lambi humara neend..
Kore kaagaz ki naao, barasta saawan. Tej hawaao ke saath chalna. Chehre par chubti hui moti baarish ki bunde.
Kya sab waisa hi hai waha?
Ya badi aur mehengi si hogayi hai woh aangan jo chhut gayi..
Musafir hoon yaaro, uske baad ka toh aap sab jaante hai..
Yaad aati hai didi ke haath ki mehendi jo saawan mein maa se kaafi minnato ke baad hi milti thi..
Aaj bhi kabhi, koi reshmi hawa woh mehendi ki khusbhoo le aati hai.. Maano kahi dabe paun didi chali aarahi ho. Chup ke se apne kisso kahaniyon ko lekar.
“Kitni baaatein karti ho tum didi, uff”
Tumhara ruthna, phir mera manana. Kitne arse hogaye. Saath baith kar kaddhi ki pakodi nahi chori kiye humne.
Didi, kaisi ho? Aaj bhi mehendi lagati ho kya?
Dekho main pahado par pahuch gaya, wahin jaha tum jaana chahti thi.
Kitni saari baatein karni hai.
Phir milo, phir chalo unn pahado par…
Musafir hoon, ab toh na ghar raha na thikana